เนื้อเพลง ซอคติคำสอน - แสดงสด วงมรกต

..........แสดงสด.........
งัวควายจ้างม้าต๋ายแล้วเหลือหนัง
กระดูกเขายังเอาใจ้ก๋ารได้
กำจ๋าลวงสุดตึงปุ๋มและไส้
จื่อนำจ๋ำไว้คนยังกิ๋นลำ
คนงามมนุษย์ตายแล้วเหลือหยัง
ปี้น้องคนฟังไผบ่ห่วงข้อง
ความชั่วมัวหมองความดีเหลือไว้..
จ้าดเจื้อมดง่ามมันมักมันหมู
จะหลอนศัตรูไว้ใจ๋บ่ได้
คนตี้ขี้โขดโต๊ดมีแต่ใบ้
เข้าของมอดไหม้เสียไปเงินทอง
คนตี้มีผิดแป๋งหน้าโศกหมอง
คนตี้จ๋องหองบ่มีเปื้อนบ้าน
ขี้จิขี้จำนั้นแหมซ้ำฮ้าย..
คนเฒ่าขี้จ่มสมแล้วลูกหลาน
ปี้น้องวงศ์วานไผบ่มาใกล้
คนตี้ชอบแต่งชอบหย้องซ้ำฮ้าย
บ่มีเครื่องใจ้เข้าของเงินคำ
ขี้เหล้าเมายากิ๋นจิ้นปล๋าหนัง
คน ต้อง คนมาน จ้างหุมมักส้ม
ขี้อู้ ปุ๋มลม ขี้เหล้า จ้างจ้อย..

สิบ เถี่ยนพร้า บ่เต้าคมขวาน
หลายสิบคนงานบ่เต้า มีลูกเต้า
มีผัวมีเมียคลอเคลียนั่งเฝ้า
วันหน้านั่นเล่าจั๊กได้เบาแฮง
เซาะหาเอาเต๊อะนั่งเมอะแอบแฝง
โบราณแถลงเอาไว้ใจ้ๆ
ยะไฮ่นาขวายแฮงควายเมื่อยล้า..
หิ่งห้อยตั๋วน้อยถามแข่งดวงจันทร์
ตี้ใสส่องงามลอยบนเมฆฝ้า
ผองหมู่รุกขาเตวาโลกหล้า
บ่เต้าอินตาอยู่ฟ้าองค์เดียว
แม่น้ำแสนสายบ่หมายแลเหลียว
เต้าสมุทรสายเดียวนั้นยังบ่ได้
แขกเต้าเสียงใสการะเวกบ่พ่าย
งูเห่าจะเข็บข๊บเจ็บปางต๋าย
เป๋นอันตรายบ่ดีเข้าใกล้
คนชั่วคนเลวมันน่าเสียวไส้
ตึงวันไจ้ๆจ้างหุมมีภัย
คนเฮามนุษย์เกิดแก่เจ๊บต๋าย
หาความสบายน้อยนิดบ่ได้
มัจจุราชปาไปต๋ายวันใดบ่ฮู้...