เนื้อเพลง ปอนปี๋ใหม่ - เสมา เมืองเม็งราย

ปี๋ใหม่สงกรานต์
มาจุดจ๊อดฮอดเถิง
แม่ศรีงามเริง
จะปั๋นปอนหื้อ
อันว่ากำขอแปงกว่ากำซื้อ
เปิ้นปั๋นปอนหื้อ
ไหว้สามือเอา
เจ้าปี้นายน้อง
อย่าได้หมองเหงา
ฟังซอบ้านเฮา
ปอนปี๋ใหม่แก้ว
มาฮอดมาแผ๋ว
หมู่จุมปี้น้อง
ขอเอาคุณพระรัตนตั้งสาม
พระพุทธ พระธรรม
พระสงฆ์พระเจ้า
ขอป๋าระมีคุณพระเป๋นเก๊า
ปกห่มท่านเจ้า กู้หัวตั๋วคน
ไผตี้ยากไร้ ตกตุ๊กอับจ๋น
หื้อบุญดาลดล
ได้ก๋ารงานสร้าง
สุขสามประก๋าร
อายุหมั้นเตี้ยงเต๊า
เป๋นหม้ายเป๋นฮ้าง
หื้อได้กู้สร้าง กู้สม
เป๋นเปลี่ยว เป๋นโตน
หื้อได้ปะกู้เฝ้า
คนหนุ่ม คนสาว
หื้อสมเจ๊า เจ๊า
ถ้ามีลูกเต้าหื้ออยู่ถ้อยฟังกำ
มีลูกหญิงจาย
หื้อได้เป๋นต๋าหาร
เป็นพยาบาล
อาจ๋ารย์ นายห้าง
สุขสามประก๋าร
เจยบานเจ่นล้ำ
หื้อเจ้าปี้น้อง
มีแต่คนสรรเสริญ.

กึ๊ดเงินได้เงิน
กึ๊ดของได้ข้าว
กึ๊ดทองได้ทอง
มั่งมูลตุ้นเต๊า
บ่อมีฮอยด่างเศร้า
บ่อมีปิ้วมีแมง
หื้อร่ำรวยทรัพย์
ตังแก้วและแสง
นับแต่ใบแดง
ม่วงเหลืองเน้อเจ้า
จ๊กผ่อกระเป๋า
เป๋นใบปันล๊อน ล้อน
ร้อยแปดปันเคราะห์
อย่าได้ต้องได้ต๋ำ
ร้อยกำ ปันกำ
อย่าไหลมาป้อกป้อ
อย่ามีบาปก๋รรม มาต๋ำมาต้อ
ร้อยอันปันข้อ สดใสงามดี
ต่อนี้ปายหน้า
หื้อได้เป๋นเศรษฐี
แม่น้ำเย็นดี
ปล๋าตึงจ้างไหลค่อน
โข่คุ่มเครือออน
คือตี้นอนแม่มิ้ม