เนื้อเพลง เดือนหงาย - เนย นฤมล

A1
เดือนหงาย แนมขึ้นฟ้าแล้วใจหาย
บ่มีคนอยู่ข้างกาย ถืกลมหนาวซูนใจจนสั่น
เดือนหงาย นั่งผิงไฟใต้เงาจันทร์
คิดฮอดคนเคยฮักกัน คิดฮอดคนที่อยู่แสนไกล
Hook :
คิดฮอดคนเคยจู๋ฟืน คนบี๋คนยื่นปั้นข้าวจี่
คิดฮอดคำเว้าแต่กี้ ผู้ฮ้ายควันหนีผู้ดีควันใส่
แต่มื้อนี้จักเพินไปลี้อยู่ไส คนจับมือเฮาขางไฟคืนนั้น
ปูสาดตุ้มผ้านวมสวมเสื้อกันหนาวสองโต
ไฟไหม้ฟืนโผ่ๆ ปานได๋ใจกะยังสั่น
ย้อนวาใจยังคึดนำเขาคนนั้น เฮ็ดหยังกะเลยบ่อุ่น
A2
เดือนหงาย เป็นจั่งได๋อยู่ทางพุ้น
คนทางนี้ยังใจมุน ยังบ่คุ้นกับการห่างกัน
เดือนหงาย นั่งผิงไฟใต้เงาจันทร์
คิดฮอดคนเคยฮักกัน คิดฮอดคนที่อยู่แสนไกล
(H,H)
(คิดฮอดคน เคยหอมเคยหยอกเคยซูน ในคืนเดือนหงาย)