เนื้อเพลง เสาหลักของบ้าน แรงงานของนาย - เบียร์ พร้อมพงษ์

เจ้านายครับ อย่าสิด่าผมหลายเด้อครับ
อีหลีแล้วผมกะยอมรับ ว่าผมมันอาภัพความรู้
ปริญญากะบ่มีนำเพิ่น อาศัยกูเกิ้ลกับยูทูปเป็นครู
ออกจากบ้านมาลุยมาสู้ กะมาแบบบักแหมบโสตาย

อาจเฮ็ดหยังไปบ่ถืกใจหลายอย่าง
ประสาลูกจ้างกระจอก กระจอกครับนาย
ความบ่เก่งกระทบงาน ผมก็เข้าใจ
คำว่าไล่ออกกะอย่าสิเว้าดู๋หลาย
อีหลีครับนาย ได้ฟังแล้วผมมันกดดัน

ถึงเป็นแค่แรงงานของนาย แต่ผมคือหัวใจของบ้าน
ค่าแรงหลักร้อยต่อวัน แต่มันคือความฝันของครอบครัว
ผมยอมทนเจ็บช้ำกับคำด่า เพื่อกลับบ้านนาไปเจอะกับรอยยิ้มหัว
เพราะรอยยิ้มของคนในครอบครัว คือค่าตัวที่แพงที่สุด

เจ็บแฮงคัก ใจคนถูกหยามมันเคียดแฮงคัก
แต่คิดพ้อหน้าคนที่เฮาฮัก ผมกะต้องระวังคำพูด
อาจบางครั้งที่อยากได้ความเข้าใจ ยามใด๋ที่มันสุดสุด
อย่าถือสาถ้าบางคำพูด ฟังบ่หม่วนหูเจ้านายปานใด๋

อาจสิเฮ็ดหยังไปบ่ถืกใจหลายอย่าง
ประสาลูกจ้างกระจอก กระจอกครับนาย
ความบ่เก่งกระทบงาน ผมก็เข้าใจ
คำว่าไล่ออกกะอย่าสิเว้าดู๋หลาย
อีหลีครับนาย ใจผมมันกดดัน

ถึงเป็นแค่แรงงานของนาย แต่ผมคือหัวใจของบ้าน
ค่าแรงหลักร้อยต่อวัน แต่มันคือความฝันของครอบครัว
ผมยอมทนเจ็บช้ำกับคำด่า เพื่อกลับบ้านนาไปเจอะกับรอยยิ้มหัว
เพราะรอยยิ้มของครอบครัว คือค่าแรงที่แพงที่สุด

เพื่อรอยยิ้มของทุกคนในครอบครัว ผมยอมทุ่มสุดตัว
เพราะเป็นเสาหลักของบ้าน เข้าใจผมนะครับนาย