เนื้อเพลง โอ้ ฮะ โอ - เนม สุรพงศ์

A1: แหงนเบิ่งข้างฝาที่ปฏิทิน
วันเวลาคืนถิ่นใกล้เข้ามา
เบิ่ดลมแล้ง ย่างเข้าสู่เดือนเมษา
ใกล้เวลา นกกาคืนกลับคอน

A2:ตะวันรอนลาลับ ดงตึกสูง
ในเมืองกรุงศรีวิไลใจฮำฮอน
ถืกความจนพัดพาไล่ไกลบ่อนนอน
บัดนี้ถึงคราจร คืนอิสาน

B:ก้าวขึ้นรถด้วยความหวังเต็มกระเป๋า
พร้อมกะลังใบเก่า ห่อความฝัน
เสื้อผ้าใหม่ ของใช้ใหม่ พร้อมแบ่งปัน
รองเท้าใหม่คู่นั้น ฝากอิพ่อ

เงินเก็บพอต่อเติมบ้านหลังเก่า
ยื่นใส่มือให้สองเฒ่าผู้เฝ้ารอ
แนมเบิ่งสองข้างทางแล้วน้ำตาคลอ
หยดน้ำตา แห่งรักจากใจเรา

H: เสียงรถแล่น ยังบ่ดังส่ำเสียงใจ
ดนปานใดจั่งสิได้ฮอดบ้านเฮา
ฝนแฮ่งริน ใจฮำฮอน มือกอดกระเป๋า
เหลียวเบิ่งท่งนาข้าว แฮ่งเขียวจู่นพูน

เบิ่งดอกคูณเหลืองอร่ามตระหง่านตา
สุขอุรา พาหัวใจ อิ่มละมุน
อยากสิซบลงตัก ที่แสนอบอุ่น
อยากนอนหนุนตักแม่ ให้มีแฮงใจ